راجل آخر زمن
عايش علي عرق الست
و فلوسه ضايعة ع النت
و لا همه ولد و لا بنت
و يقولك أنا أصلي كبرت
الست مراته غلبانة
طافحة الكوتة و متهانة
شغالة ليل و يا نهار
و لا مرة قالت غلبت
عامل فيها راجل البيت
و بيشخط فيها و يزيط
نفسه قال تبطل شغل
طب مين بقي يصرف عالبيت
لما أنت كرامتك وجعاك
ماشي يا سيدي الحق معاك
ماتوفر كل الالتزمات
و حسسها إنها أجمل ست
ستتها و هني الأولاد
و خلي حياتهم كلها أعياد
يبقي لك الحق يا واد
لو قالت والله زهقت
إنما قاعد في البيت
و بتاخد مصروف ف الايد
شغال رغي و تهديد
د إنت والله غلبت البنت
راجل آخر زمن
بقلمي/ عبيد رياض محمد