الدنيا الساده بمرارتها
أحسن من سكر مش مضمون
هتدوب فى مراجل حرارتها
ويعاند قلبك جرائيتها
تستخدم فيك كل طاقتها
تتحول فجأة لملح ليمون
بركان الليل مليان تفاصيل
حكايات متعاده ومهروسه
وأهو كل مايطلع فجر جميل
يتحرش ليلى بكام بوسه
تتكسف الشمس وتتسحب
وتغيم من شباك أوضتى
والقهوة تناكف فى السحلب
تتعشم جامد في مروئتى
أنصفها وأطبق كالعادة
م القهوة بتكسب لو سادة
وأستعجل وقت دخول الليل
وأستسلم جدا لطفولتى
أتصعلق على فرع الماضى
وأدروش
جايز
مايضورش
وأتجنن وأرقص لمرايتى
عارفانى وكاتبالى حكايتى
وبتنجز جدا في قرايتى
وتقولى يا قادر
ما كبرتش
#عادل_عوف
