لا تقطفي. .بقلم الشاعر. .صبحي ياسين

فى يمين السكه
الرايحه على المجهول
قابلت عزول
بيكايد دمعة شوق بتئن
على قلب مايعرف
مره يحن
ولايعرف ضى
قلب ماهوش حى
كان بيهاجر من غير مواعيد
كان يتغير من لمسة ايد
كان عايش عِند
---
وف نفس السكه لقيت ضحكه
وفيه لمة ناس
السما كات دافيه وكات صافيه
وقمر وناس
فيه ورورد بتفتح
وبتبدر عطر الياسمين
الخضره الناديه على السكه
ماليه الجنبين
--
انا شوفت هناك اخر السكه
مالهاش اخر
والفكر الحيران شاف الضحكه
ف بيتااخر
وامل مولود على نغم العود
وبيتفاخر
بالفرحه الجايه بكره الصبح
ماخلاص ياهل الله طاب الجرح
قيدوا القناديل الجو عليل
والغنوه ياليل
واهو جانا الفرح