👈 جوا منى 👉
بص لملامحى
لسه البراءة جو منى
بص لعينيا
تحت الجلد اللى شاخ من الوجع
طفل بيطبطب عليا
طفل بيداعب ايديا
وف عينيه .. ميت جدع
جوا منى الف هم
جوا منى طفل شاب قبل الشباب
بص شاف لون العذاب
ع الجبين و فى الكتاب
جوا شريان الحياة
وفى الكلام وفى السمع
جو منى كام وجع
جوا منى
طفل مخنوقة فى عنيه حبة دموع
طفل ماشى
والطريق ما فيهوش رجوع
جوا منى
طفل ما يعرف خضوع
ولغير إلاهه ما ركع
بص لعينيا
بص فيها اقرا الودع
#عامر_السويفى