شوفتوا اخر الأخبار
ابو صلاح اتصاب يالطيف
ما هو الخواجه دمه فار
لما شاف مصرى حر نضيف
الحقد عماه وولع قلبه نار
وفكر فى حل مؤذى عنيف
وترصد ليه ابن المؤذيه
وكسر دراعه بشكل مخيف
وقع الجدع عاالأرض ونهار
وصرختنا عليت استر يالطيف
وألمه وجع قلوبنا معاه
مدعوق الحقد الأعمى السخيف
دعواتنا ليك يابو صلاح
ان الكسر يكون امر خفيف
وترجع تانى أرض الملعب
وتعدى الشدة كسحابة صيف
والفرحة ترجع ترقص تانى
بين شعوب مشتاقه لوليف
يرجع ليها الضحكة الغايبة
بعد الفرح مابقة كالطيف
...انتصار سلامة..
