لا تقطفي. .بقلم الشاعر. .صبحي ياسين

أسرار حمار
ناوي أقولك سر خطير
قول متخافش السر في بير
شوفت جماجم كدا بتهاجم
شوفت كمان تنين بيطير
وعدي ياوعدي على الأسرار
شوفت كمان إيه قول ياحمار
شوفت كمان انا أسد الغابة
وفهد ونمر وست ديابة
ماتو م الجوع وكلاب السكة
بيا كلوا ياعيني مالذ وطاب
وعدي ياوعدي على الأسرار
شوفت كمان إيه قول ياحمار
شوفت القطة نطت نطة
وهبشت دوغري في ورك البطة
البطة تكاكي أهين  ياوراكي
فاكرة وراكى وراك كنتاكي
وعدي ياوعدي على الأسرار
دا سر سبايسي خالص ياحمار
شوفت كمان إيه قول إشجيني
وإستحمرني كمان ياحمار
شوفت الوزة ياعيني عليها
وديب سعران بيحوم حواليها
وقبل ماينوي الديب ويهم
وياكل الوزة هم هم هم
برق البرق وظهر الديك
وقال للديب ياجناب معاليك
بص وراك تلقى العصفورة
وأخد الوزة وقال يافكيك
وعدي ياوعدي على الأسرار
أما أنت حقيقي حمار ياحمار
بقلم طارق السيد