لا تقطفي. .بقلم الشاعر. .صبحي ياسين

اتحررى
اتحررى من الفكر العقيم
لا تستسلمى
مش عيب فى موقف تسترجلى
وتثورى زى اسد جسور
المراه مش جسد يباع
ويشترى
المراه عقل وقلب
مليان بالحنان
انتى الحبيبه وبنتى كمان
اتحررى ابدعى
عمر التحرر ما كان
لبس خارج او شويه كلام
فكى القيود
عادات قديمه مدمره
ليه حاصره نفسك فى مكان
اتحررى لا لا تستسلمى
انتى مكانك عالى
اتحررى من الخوف
واتغلبى على اى صعب
ليه تكونى سلعه
تباع وتشترى
لا لا تستسلمى