لا تقطفي. .بقلم الشاعر. .صبحي ياسين

في حد ممكن يكون لك
زي المروحة
تحتاج لهواه تلاقي
الف نسمه مطوحه.
في حد ها يحبك أوي
من غير آدني مصلحه.
في... ولقيته. وحبيته
ونداني قلبه .ونديته .
وداني معاه لأخر الدنيا
ولأخر العالم. وديته.
نساني الماضي بأوجاعه .
عايشني الحب بأنواعه .
أقسم هيكون باقي حياتي
والعمر الجاي بقي بتاعه.
أقسم وقسمت بأحزاني.
إن بحبه .........عذابي إتمحي.
........................
لطفه يجنن. رقته إبداع .
البصه في عينه
بتشبع كلها إمتاع .
حنيت قلبه.
بتودع حزني بإقناع .
ودعت معاه عالم عشته
كان كله خداع .
أهلا بغرامك ياسقيني.
كأسات الحب.... المفرحة.
..................    .
عندك قدره عجيبه تشد
والامواج بين جزر ومد
خليت قلبي معاك إتهد
كان صعب يسلم بسهوله .
بعد ما بان في عنيك الود
قلبي إطمن بقي ليه حد
يملي حياته بعطر الورد
ويصحي مشاعره المقتوله.
أنا من كتر الفرحه دي فؤت
عايش حاسس بإستجمام
جيت بهواك الهادي سرقت
قلبي وعلمته الأحلام
والله ما قول غير جمله
أنت غرامك أحلى غرام
هاديت كل مشاعري الثايرة
ووقف .....نزيف المذبحة.
...........   بقلمي
                    Sayed El Shaer