لو صاحبك كان من نوع نادر
هيعارضك لما تكون غلطان
يخدك من نفسك ويحاورك
ويغير قصدك ومحاورك
في دواير داير من حولك
والود ورود و الصدق غيطان
ولا تاخده الدنيا في دوامة
ويقول مشغول
ولا يخلع منك ويقولك
انا مش مسؤل
علي طول وياك وشايل همك
أقرب من أخوك و ولاد عمك
وتملى يحجز ويضمك
من غير ماتقول
يسمع حواديتك ويعيشها
ويقرا التفاصيل
والدنيا إن غدرت بيحوشها
من غير تفضيل
لا مصالحه تكون قبل مَصالحك
ولا يغضب منك ومسامحك
مشغول بهمومك و مِصالحك
وتملى دليل
والسر فى بير لما تقوله
لو كان فيه إيه
من غير ماتحزر بيصونه
ويحاجى عليه
ولا يبقى خطير مهما تعاتب
ويبقى العشرة على الواجب
لو كان العين وانت الحاجب
هتشوف بعينيه
#الصاحب
#عادل_عوف