لا تقطفي. .بقلم الشاعر. .صبحي ياسين

زينة(( شهيدة بور سعيد))
زينة الكل ياريحة الفل يانورعين أمك..ردي عليا
فينك روحتي وسيبتيني وحدي وخدتي الفرحة من حواليا
وما أدراكي بويلي فى ليلي فى آخر اليوم وانا مهدود حيلي
على طول سرحانة ودايما شاردة فى صورة عالحيط بتبوسك وردة
وخصلة فى شعرك زاينة جبينك وفرحة بترقص فى سواد عينك
شوفيلك حل تجيني ياأجيلك وان جيتي طيف على راسس جميلك
تحنى عليا واحن عليكي... ازاي ياحبيبتي أنا هنت عليكي
ياحبيبتى ياماما دا مش بإديا
ديابة الغابة قاموا هجموا عليا
ندهت عليكي إنتي وبابا
تعالوا إحمونى فى بيتنا ديابة
كتموا فى نفسي وكسروا فى نفسي
سرقوا طفولتي وداسوا برائتي
رموني من فوق خضوني ياأمي
دور ورا  دور وانا يهرب دمي
حضني ملايكة فى جنة ربي
قالولى إتمني إختاري ماتحبي
أوتختاري ناس تدعيلهم
ييجوا يعيشوا معاكي نعيمهم
إخترت أمد إيديا ياماما
ليكي إنتى ونينتي ونور عيني بابا
تيجوا تعيشوا معايا ياماما
فى جنة مافيها أى ديابة
كبدي عليكي مالخضة ياروح قلب أمك
نفسي يعود من تاني زماني وأرجع أضمك
ياحرقة قلبي عليكي ياضنايا
كنتي لوحدك كل منايا
ياصرخة بتطلع تشرخ صدري
كفايه حرام أنا هرضى بقدري
ربي كريم إن كان خد مني
كتير إداني وياما شال عني
بنتي فى جنة ساكنها شهيدنا
وليلة موتها دي ليلة عيدنا
بقلم طارق السيد