قصيده بعنوان........ شهر الصيام
شهر الصيام.... شهر التجلى
خلي الايمان......ف القلب خلي
ليك أحلى طله.......ف الدنيا يا اللى
اللمة فيك....... تحلى تملى
أهلى وجيرانى.....والصحباجيه
ف الفجر ننزل.... دايما نصلى
جماعه واحدة.....وقلوب ندية
ومافيش مابينا....... شيئ مستخبى
وكل خير...... فيه قبله نية
والخطوه ثابتة.....على التحدى
ياخلق تايهة...... فوقو قوام
جالكوا خلاص...... شهر الصيام
فيه المحبة..... فيه الوئام
والخير تملى....... عندك وعندى
من تانى يلا.....نرمى السلام
والكل يسعى....ينسى الالأم
شبعنا توهة... ف دروب غيام
ع الصعب يلا..... بينا نعدى
والصبح نطلع.....يا أرزقيه
ع الخير ندور.....بنفوس قويه
والعصر يدن.......والمغربيه
على بلحة نفطر....ف المشربية
وبهمه تانى ..... نقوم نصلى
وقلوبنا هايمه.....بالروحانية
والفرحه زايدة..... والخير تملى
ونعيش حياتنا....... بقلوب راضيه
والشهر يجرى... يفوت قوام
ويعيش مابينا....حب الصيام
ونقول بعوده.....دى الأيام
أيام جميلة.. ...أيام هنية
وأما بتيجى......ساعة الفراق
يطرح مابينا......حب وولاء
ونقول سلام...... شهر الصيام
ويسيب ف أخره......أجمل هدية
كلمات الشاعر محمد ثروت عبد الحفيظ