لا تقطفي. .بقلم الشاعر. .صبحي ياسين

المسحراتى "٣".  الغيث الوفير
مسحراتى داير فى الحوارى طبال
شايل فانوسى وعكازى قد الحال
اصحى اللى نايم واقول موال
حكم غاليه ومن الامثال اقوال
اسمع معايا من الكبير احلى كلام
لسانك حصانك اعمله لجام
دا الغلط سهم لو خرج عليه نتلام
لو قلنا السكوت ذهب
يبقى الكلام يتقال بنظام
ولو قلت معرفش
اصبت المطلوب بالتمام
واللى يكتر لغطه
غلطه يحصل مع الايام
وخير الكلام ماقل ودل
تعدى المجالس بسلام
اصح يانايم
وحد الحنان
الشهر ضيف
وحق الضيف اكرام
اصح يانايم
وحد المنان
     مع تحيات فاروق الباشا