لا تقطفي. .بقلم الشاعر. .صبحي ياسين

حكاية قلب 
ـــــــــــــــــــــــ

احكى وقولى سمعي قلبى
صوت شجونك
كلمينى عن هواك عن عشقك
عن جنونك
اسعدى قلب حبك قلب حاسك
قلب هو كونك
كل كلمة بتقوليها كل همسه
روحى بتحيا بيها
انت نبضى انت عمرى انت فرحة
كنت ناسيها
لما بتقولى بحبك بنسي كل لحظه
حزن عشت فيها
اسمعينى قربى
من حنان قلبك اروينى
من حنانى اشربى
حضنك بيتى وجنتى
وحضنى وطنك اسكنى
ليه تتغربى
ابتسامتك املى فى الحياه
وسعادتك غايتى ومطلبى
عرفت اد ايه بحبك
عرفت انك شمسى
ليه عنى بتغربى
ده كان طريق مشيته
مع قلب حبيته
وقبل النهاية سابنى
بمفردى