موافقة مجلس النواب فرض ١٥٠ جنيه رسوم تصريح الدفن
..............
إلحق نفسك وإعمل ميت
قبل قرار الدفع...مايطلع
وادخل قبرك خش وبيت
وأما يحلوا المجلس إرجع
وإن(ذقوك) ع الموت ماتمتش
وافضل قاعد باكى م قرفص
وان حصروك بقانون ماقنونش
إخلع منهم دغري وفرفس
خايف يطمعوا فى الأكفان
ويلفونا في أتواب خيش
فرضوا رسوم هنا للأحزان
والعداد فوق النخاشيش
عد شهيق وزفير مخصوم
من دقات قلبك في الساعة
وحاصل ضرب الكل في يوم
وإدفع فرد......... ليد جماعة
مجلس حاسس قوي وحسيس
مادد إيده في جيب الكل
لو ناب عن دايرتى إبليس
كُنت صعبت عليه م الذل
#عادل_عوف
#تصريح_الدفن
#مجلس_الشعب