كلثوميات
****
القلب يعشق
لأمل حياته
ف الحب كله
ليه ذكرياته
لو أقابله بكرة
ينسى اللي فاته
و بألف ليلة
يحكي آهاته
طب ليه تلاوع
في الحب ذاته
و بسحر ثومة
يكمل صفاته
لو حتى يبعد
الشوق يجيبة
للحب سيرة
طب ليه ظالمني
و الشك ثورة
ليه مش فاهمني
و ف نار و غيره
حبك حاكمني
يا اللي وضعتي
للصبر حده
و لا يوم خطرت
ع البال ف بعده
و هجرت حيرة
و لا حب بعده
طب فكروني
من امتى انسى
و أروح لمين
و القلب يقسى
بقصب و رامي
فى اللحن كلمة
زكريا بيرم
بيصحوا أمة
أطلال لناجي
و الهادي أدم
للحب أناجي
و الرب عالم
بليغ رياضه
تطرح غناوي
و الفن متعة
اقبل يا غاوي
مش دق طبلة
و لا رقص حاوي
عودت عيني
على فن راق
لما أنت عمري
امتى التلاقي ؟
أنا ف انتظارك
أطلق وثاقي
طب غني ليه
غلبت أصالح
نصرة قوية
و القلب سامح
سهران لوحدي
حبك دا جارح
و طوف و شوف
على باب مصر
تلقى الصفوف
للمجد تقرا
تكرم ضيوف
و تعين لفقرا
و لمصر قم
ما الخلق وقفوا
أنهض و هم
فالكل عرفوا
فضلك يا أم
طب امتى تصفو
يا ست فنك
للشرق كوكب
في القرب منك
للمجد موكب
و لا حد قبلك
قادر يقـــرّب
و لا حد بعدك
للفن يركب
