صورة سيلفى لوشوش الناس
************
قالوا الشكوى
لغير الله ممنوعه
وها أشكى لمين
وأنا شايف
قلوب الكل موجوعه
هياكل عضم شايله دماغ
وماشيه لبكرة مفزوعه
ولو صادف عنيك ضحكه
تلاقى الضحكه مصنوعه
كلامهم صمت مداراى
ورا الأه إللى مسموعه
أمال تايهه ورا كدبه
بإن العدل بكرة يسود
وفى قلوبهم
تلاقى الرحمه منزوعه
يارب فى نار جهنم يوم
أشوف الظلما مرزوعه
إيديهم أشوفها ملسوعه
ولو حبوا يفارقوها
يلاقوا الرجل مجزوعه
******
محمد عبد المنصف