لا تقطفي. .بقلم الشاعر. .صبحي ياسين

في ضوء مغالاة الاهالي في طلبات الزواج،، صوره واقعيه
مشكلة شاب
*********
فرقتنا ظروف حياتنا
والأهالي والروتين
ربي يعلم إني بحلم
إني اقرَب السنين
وابني ليكي برج عالي
بس انا خالي الإيدين
والظروف علي قد حالي
ونفسى اَجيبلِك نجمتين
لكن ظلمونا الأهالي
وعجزونا بالروتين

اللي عايزه جوز غوايش
واللي جاي ف الدور وعايش
عايزني اعيش كما هو عايش
طب ومالها الدبلتين..
ماما عايزه التنجيد بريش
وخالتو عايزه بارافان ونيش
غلبت من كلمة ماعيش
طب ياحاجه هجيب منين..
وشقتك تبقي ف عماره
إوعي يابني تكون ف حاره
مالها يامما اتنين وصاله
مش مهم مكانها فين..
ولاّ ابوكي عايز وظيفه
مَ انا مهنتي حره وشريفه
هي فين بس الوظيفه
دول لاغوها من سنين..
ياخلق إنتو بتخنوقونا
إنتو ليه بتعقدونا
فيها إيه لو بتسيبونا
صدقونا هنبقي زين
بالسعاده والمحبه
العش نبنيه حبه حبه
بيتنا يكبر كل حبه
ويدوم علي مَر السنين..
#عاطف صلاح#