إسأل مجرب..
--------------
لو هتزور الحب ف مره
إسأل العشاق عليه
إسأل اللي حب قبلك
شوف هيقولك إيه عليه
راح يقول د نار وجنه
إنت إيه اللي رماك عليه
نار بتكوي نار بتلسع
قلب موجوع م اللي فيه
م اللي خان م اللي هان
الحب والعشره عليه...
جنه لما تبقي عايز
تمسك النجمه بإيديك
تهديها لحبيب تحبه
قلبه كان ملهوف عليك
تبقي بتعد الثوانى
لما يتأخر عليك
فجئه يظهر بعد شوقك
وتلاقيه ماسك إيديك
وتبصلو أوي ف ملامحه
وهو بيبص ف عنيك
الكلام هيروح ويبقي
همس ونبضه فيه وفيك
م السعاده تبقي طاير والسحاب ماسكو بإيديك
تنسي كل الكون بحالو
حتي الدنيا تهون عليك..
#عاطف صلاح#