بحلم بيوم
=======
بحلم بيوم
أفتح طاقة من المكان ألى مليش غيره
وهو أخر الممكن
والمسموح بيه لدنيتى وعيشتى
ألاقى شمسى خلاص طلعت
وبتنور كل شبر من بلدى
وألى محبوس داخل سجنه
أو حبيس بيته أو جوه مع نفسه
وكان مجبر على سجنه وعلى حبسه
بالأمر أو م الخوف أو من الكسرة
يطلع لنور بقى ساطع
يجرى بفرحة كده ويرمح
فى أرض ربنا الواسعة
عشان أنزالت الغمة
الى حجبت شمسنا الحلوة
وأخفت قمر ليالينا ودفنته فى حتة
لا يعرف حد يوصلها ولا يجيبها
والى يحاول بس يلمحها
تصيبة الكارثة واللعنة
ألاقى أرضى بقت ملكى
وكل خيرها بقى بالحق يتوزع
ومناصبها لكل مخلوق طالع من أرضها وطينها
مش محبوسة على ولاد الى سرقنها
وأشوف العدل يتحقق
وكل الى يبيع فيها وينهبها
ويحرم شعبها خيرها
يلاقى عقابه على بابها
وهى منورة بأهلها وناسها
مش بعد خرابها وزوالها
بقلم /مها ندا
