وجع
ايوه احنا اللى ف عزشبابنا
بنموت ف الغربه بدون سكرات
بنموت رغم ان الروح موجوده
لكن موجوده ف حكم ممات
مهو لما تكون كل حياتك
محصورة مابين الفون والشات
وشكوكناهل فعلا ماشية ؟
وياهم ولا الوضع ثبات؟
وان كان حتى الدخل يكفى
م وجودنا اهم الاحتياجات ؟
ونسيطر ع الواد وشقاوته
اونبقى الدرع ان كانوا بنات
بكفاية ياغربة ف غدرك طعنه
خلت صوت الضحكه سكات
نفس روتين اليوم متكرر
واللى بنصبح فيه بنبات
مين يستحمل ان علاقته
تبقى باهله يادوب رنات ؟
المتغرب ف عيون غيره
باشا لكن بيموت شحات
