لا تقطفي. .بقلم الشاعر. .صبحي ياسين

لما جيت اكتب عن امي
القلم كان حبره دمي
والورق قلبي وضلوعي
والحروف من حضن امي

قلت هي نور عيوني
والحنين اللي ف جفوني
ياما سهرت ياما تعبت
ياما شالت عني همي

كانت تقولي ياضنايا
انت يافرحي ف بكايا
انت سندي لما اكبر
وانت ضهري ف يوم صبايا

انت يابني حته مني
لما تضحك بنسى همي
وأما تبكي ف كل دمعه
نار بتسري جوا دمي

لما جيت امسك صورنا
من صبانا وف صغارنا
افتكرت حضن دافي
ف عز ليلنا كانت قمرنا

لماجيت امسك صورتها
وافتكرت سنين قضيتها
جوه قلب وحضن دافي
كنت برمي كل همي

كان شيطاني ف يوم غالبني
كنت اصرخ كنت ازعق
كنت اعلي ف صوتي وارفع
وكل مره كانت بِتِدمَع
هي دي اخرتها يابني

اه يادمعي وأه ياعيني
مين ف حزني هيواسيني
مين ياخد عمري وسنيني
ويرجعني لحضن امي

#محمدحامد