لا تقطفي. .بقلم الشاعر. .صبحي ياسين

على انغام اسطورة الفن الشعبي محمد طه

ياللي بتجري عالجمال
والشكل خد بالك
بكرا الجمال يتشال
والطبع يبقالك
داير تدور على اللي
فاكرها ديمالك
بكرا تبيعك وتمشي
لما تاخد مالك
سايب ف بيتك اصيله
ربك وهبهالك
مهما تسيبها وتبعد
للعرض صينالك
عايشه لرغبة حياتك
ومحافظه على مالك
ف نهارها تشقى وتتعب
وتربي ف ولادك
ويجي ليلها ماتتعب
تلاقيها قاعدالك
ارجع بحبك راضيها
ماهي هي اولالك
حافظ عليها وصونها
هي اللي بقيالك
اسمع نصيحه ياولدي
واجبي أقولهالك
ازرع جناين المحبه
تحصدها ف عيالك
اما البذور الحرام
دي مسيرها راجعالك

وع الاصل دور

بقلمي...محمد حامد