لا تقطفي. .بقلم الشاعر. .صبحي ياسين

طمن قلبك

وانت بتسمع همس الروح
واعرف إنك لومشتاق
يبقي أكيد هاتيجي وتبوح
شيفاك قدامي زي النسمة بتيجي وتروح
وتملي في بالي وخيالي يا روح الروح
خطوتك صداها ترن في وداني
كما الخلخال
ضحكتك مرسومه رسمة قلب
كانقشة جميلة وسط الشال
غنوتك تملي بسمعها
بتسرح في دمي
وتروي روحي كما الشلال
وحاسة بقربك وحبك
ماهو ساكن نبضي وعايش جو مني الدلال
حساه معاك وشيفاه جواك العشق الحلال
م انت أكيد عارف ومطمن نفسك
إن انا روحك وطيفك ونفسك
لو اتكلمت تبان في شفايفي
سيرتك وهمسك
ولو خيالي سرح
علي طول يبان لي رسمك .
وانا لما شُفتك هديت خطاويا
وكل إحساس التعب راح
وِبِعد بعيد عن روحي وعينيا
همستك سامعها بقلبي
نظرتك مرسومه في الننِ
لفتتك طلتك رسمتك
ضحكتك دمعتك
كلمتك غنوتك
كل شيء فيكِ واحشني ومجنني
والفرح عاد من تاني ليا
يا حب عمرى صدقيني
لما شفتك صحت حاجات كتير فيا
يااااه ....
كان مشوار طويل بخطاوي بطيئة
الضحكة فيه صافية ودادة وبريئه
بس كان البعد صعب
واللي أصعب إن فكرك م فارق خيالي
وان أنت حالي وكل حالي
وعزوتي وناسي وترحالي
واللي انا عايزك تعرفية
مهما مرت
من ساعات أو ثواني أو حتي دقيقة
إن إنت بس عندي كل الحقيقة

::::::::::::::::::::::::::::::::::::::::::::::::::::::: بقلمى/ فتحى نجم المنصورة
ظهر الأحد 10/11/2019