ــــــــــــــــــــــــــــــــــــــــــــــــــــــــــــــــــ
إن كان للوجع صوتاَ فربما لا ينام الناس من ضجيج وجعه، فللحزن صرير كصوت الرياح يصم الاذن ويذبح القلب
كانت الايادي تهوى علي مؤخرة رأسه يدا تلو الاخرى,فيرى البرق يخرج من عيناه, ويتصلب عموده الفقري من أثار ضربات قوية بعصيان غليظه علي ظهره, ثم تجره يدان لشخصان مفتولان العضلات الي حجرة المحقق , وجسده مسجى على الارض واوصاله لا تقو علي حملة, من كثرة تعذيبه, ويسأله المحقق
_ ما اسمك؟
ـ اسمي سيد يا بيه
_ ما سبب نزولك في المظاهرات؟
ـ أنا يا بيه معرفشي حاجه انا مش لاقي أكل هنزل ازاي في مظاهرة ، أنا راجل صنيعي غلبان ، بجري علي أكل عيشي ، بقالي خمسة أشهر لم أمسك عمل، ولم يدخل بيتي جنيه، ولادي انطردوا من دروسهم علشان المدرسين عاوزه المصاريف، الحاله نايمه يا بيه.
_ طيب ليه بتودي اولادك دروس وحالتك الماديه لا تسمح بهذا؟
ـ لو مرحوش الدروس هيسقطوا يا بيه انا مكنتش بوديهم بس كانوا بيجيبوا ملاحق كتير، كنت بتطر اوديهم درس ملحق عند مدرس الفصل وكان بياخد قد مصاريف الدروس طول السنه والعيل يخبي كتابه وهو رايح وهو جاي علشان زميله ميعيرهوش بأنه شايل ملحق، الفصل ستسن سبعين عيل مفيش علام في المدارس يا بيه.
أنا مبيض محاره علي باب الله، يوم فيه وعشره مفيش، حتى التموين بعته يا بيه علشان نجيب عيش وغموس،
ولما تفرج مراتي بتشتري رجول فراخ بتعملهانا وناكلها يابيه. مبنشفشي اللحمه غير في العيد الكبير لما ولاد الحلال يدبحوا بيبعتلونا.
_ طيب ليه مبتشتروش فراخ احسن؟
ـ منين يابيه والفلوس الى بشتغل بيها مبتكفيش الديون، ساعات اقعد بالكام شهر في البيت ، بنزل في اي مكان ابيع حياء وجهي واشتغل اي حاجه بس ساعات مراتي بتشتري لنا هياكل فراخ وتعمل لنا عليها شوية ملوخيه ناشفه وبنقعد ناكل فيها يومين،
_ ايه الهياكل دي يعني ايه؟
ـ هههههههه معزور يا بيه ميعرفشي الهياكل دي غير الغلابه الي زيينا، الهياكل دي يا بيه عضم الفرخة بعد ما يشيل منها اللحمة.
_ طيب ما دامت عظام انتم بتاكلوا فيها ايه؟
بيبقى فيها اجنحه ورقبة الفرخة وحتت لحمة بين العظم واهي ماشيه وراضين وحمدين ربنا يا بيه.
وساعات لو الحكايه متيسره شويتين بنجيب فرخه ونقطعها تمنيه كل يوم ناكل نص فرخه بس بناكلها يوم جمعة ، ونعين النص للجمعة الي وراها،
سرح المحقق بعيدا الي حفلة زميل له بن رجل من كبار رجال المال والاعمال ، والبوفيه المفتوح علي الموائد، وكمية اللحوم التي اتى بها من الخارج بالطائرة، وكمية اللحوم التي تبقت في اطباق المعازيم والتي كان مصيرها سلة المهملات.
أخذه من شروده صوت الصنيعي: روحت فين يا بيه، والله يا بيه مفيش في بيتي دلوقتي حتي عيش حاف، ماصدقت جاتلي الشغلة دي في شقة عريس، فرحت بيها ، وقلت لنفسي الحمد لله رزقي ورزق عيالي، كمان مراتي زمانها راحت تمسح سلالم العمارات كانت بتعمل كده لما بتكون العملية مزنقة.
خرجت من بيتي وكلي أمل في أخر اليوم يديني صاحب العمل جزء من المقاولة اسدد بيها بعض الديون الي عليا، خارج من بيتنا بمعدء فاضية، ولما صاحب العمل جه كنت اتلوى من الجوع ،
اداني فلوس اشتري لنفسي غدا، ما أنا بشتغل لوحدي علشان اوفر اجرة حد يساعدني للعيال ، نزلت جري لاقرب مطعم أشتري منه عيش وطعميه ومخلل، وأنا رايح لقيت الناس بتجري قدامي ، رايحين فين معرفشي ، بيجرو من ايه مش عارف، الآول افتكرتهم بيجروا ورى حرامي.
اتسمرت في مكاني علشان اتفادي جريهم ، خفت يوقعوني يا بيه خفت يدسوني برجليهم، لقيت ايادي بتدفعني تجاه العربة وايادي اخرى هرياني اقلام علي وشي.
عليه العوض يابيه عليه العوض
راحت المقاولة وراحت الشغلانة يا بيه ، أنا بقالي هنا اكثر من شهر دا يضربني
ودا بالشومة يكسر في عضمي، انكسرت يا بيه ومش لا قي سبب، وما نبني غير الضربات التي جعلتني ابكي زي العيل الصغير، ونزلت دموعه مسترسله من عيناه ومن انفه، فكان يمسح دموعه في أكمامه ويمسح أنفه بطرف كمه.
قام المحقق من مكانه ربت علي كتفه وأعتذر له، وبانحنائة خفيفة قبل رأسه.
استدار له العامل وأعتذر له قائلا : استغفر الله يا بيه انت ذنبك إيه.
مد المحقق يده في بنطاله وأخرج منها مبلغ كبير ووضعه في جيب الصنيعي.
انتفض الصنيعي: لا يا بيه حاشا لله انا مش شحات انا رجل كسيب مقبلشي جنيه معرقتش بيه اعفيني يا بيه مش هقدر اخده.
قال له: دي ثمن اننا عطلناك كمان ضيعنا عليك شغلك
ولا تزعل، هو كان المقاول متفق معاك علي الفين جنيه، معاك ضعف المقاولة تقدر تروح .
ـــــــــــــــــــــــــــــ
فاطمة مندي