قصيده عامية
بعنوان مستعجله ولما الشنط
الشاعر وليد رشيدى عبدالشافى هاشم
مستعجله ولما الشنط واخده الحاجات
واخده الامل والذكريات
مستعجله رغم الظروف
واخدة الامانى والفرح
سيبالى خوف
طب ممكن بس تفهمينى
بعدك انتى ازاى هشوف
عملت كل مابيدى وحبيتك
وحبيتك رغم بلاويكى
وحتى فى نومى وانا بحلم
فى حلمى ياشيخة بناديكى
زرعت ارضك انا بيدى
جناين طارحة من عرقى
ومن خيرى ولما جه اوان طرحه
بتدى المر ليه ليا وتدى الحلو ده لغيرى
ومن غيرى روا لك ارضك بدمه
وضحى يموت ويحميكى
ياشارع احكى قصتنا
وقصة حبنا لبيتنا
واحكى على ال عاب فينا
ومين غلطان
ومين حابب يحطمنا
يخلى الحلم واد غرقان
ياشارع احكى ع الحاصل
برغم الضرب على راسنا
راح نواصل
ياشارع احكى قصتنا
وقصة حبى لجارتنا وكن شاهد
ياشارع احكى علمها
انا الشاعر وانا العاشق
وانا الولهان وانا الواد
ال حلمه اتحطم صبح غرقان
وانا ال اسمك على بطاقتى
ونا ال حمولى فوق طاقتى
وانا ال الغربة زلتنى وظلمتنى
واخدت منى ماادتنى
وساعة بس مارضتنى
لقيت الشعر الاسود شاب
بتضحكى ضحكه م الجنة
وتغرينى ولما افوز بحضنك يوم
بيصبح نار
مستعجله ولما الشنط