نور العلم
جاهل بيكسب فلوس ويلم
وفقير ده اغنى بنور العلم
يجمع علومه فى كل كتاب
وبفضل علمه يفتح أبواب
والتكنولوجيا رمز شعار
للعبقرية وعلم كبار
فى كل لحظة ابتكارات
بعلم نافع واختراعات
الجهل يهدم كل عمار
ومناخ وصالح للاشرار
والعلم يكشف فى الأسرار
ويبنى فى امة بكل فخار
فى المدرسة تعليم طلاب
والجامعة تحلى مع الأصحاب
والناس بتدفع فى التدريس
فى كل حتة حتى باريس
تطوير حياتنا مع التنوير
بالتكنولوجيا ده فرق كبير
أبحاث دكاترة مع التقارير
تكشف علاج لمرض وخطير
نبات فواكه او حيوان
أطفال عليلة وجيل إنسان
والقدوة لينا خير مثال
احمد زويل عالم إنسان
فى أمريكا يعنى بسرعة خدوه
وقالوا عبقرى و ما فى زيه اخوه
والباز علومه بتملا فضاء
و شهرته واسعة باصداء
و ابو قلب ذهبى بيشفى قلوب
ده سير متوج مجدى يعقوب
وأديب نوبل مصرى ومعروف
حبيبنا يعنى نجيب محفوظ
والذاكرة ده تاريخ أجيال
أهرام وعلماء تهد جبال
بفضل ربى ونور العلم
نور طريق ده صغير ومسن
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون