فئة العامية
ملكيش فيه
واوعى تكوني عايزة تملكبه
هو اعظم من اي كلام هتقوليه
ملكيش فيه...
ولا انتي اصلا كنتي تحلمي انك تكلميه
واياكي فاكره انك قادرة عن نزواته تمنعيه
طبعا كنتي دايما مرعوبة تخسريه
خليكي بعيدة عن اي تجريح تسمعيه
ملكيش فيه
بالرغم من انه واثق انتي ازاي بتحبيه
معلش حبيه على طريقتك بس اياك تغلطيه
واوعى تقولي لا مصلحته
خليكي في حالك لازم تجاربه
ملكيش فيه
كام مرة حاولتي تنبيهه ؟
خايفة عليه من نفسه ؟
ولا من حاشية السوء اللي حواليه
غميانه عينه مهما حاولتي تنوريه
بتحبيه....ولا خايفة كتير عليه
عاجبه حاله ومحال يوم عنه ترديه
الوفاء في قاموسه كلمه
مش نشيد هتردديه
ملكيش فيه
مالي ايده ايوه منك
وواثق أنك هتصونيه
علشان كده عايز خضوعك
مش هيقبل تؤمريه
عايز طاعة وحب عادي
بس اوعى تسجنيه
بيهملك....طب وماله
ما انتي اللي كنتي بتسامحيه
عايش براحته وعلى كيفه
ومش هيرضي تغيريه
ملكيش فيه فعلا
ربحي بالك انتي وسيبيه
وقلبك بالفراق لازم تعاقبيه
واوعى تاني مره للقساوة ترجعيه
وخليكي لكل كلمة فاكره وفكريه
امنعي الظلم عنه ولصدرك تاني رديه
حافظي عليه للي يستاهله ويقدر
الطهر اللي ماليه
خلي قلبك ملكك انتي
خسارة تاني تكسريه
#ملكيش_فيه
مايان إمام مايان امام حافظ