خواطر ابن النيل
............
خمسه من وقتك
ممكن نفكر شويه
هنقول بشويش
مصر
بقول مصر
فكرين شوارعها
فكرين نيلها
اه هى مصر
بس لحظه ماتتسرعش
انا بقول مصر
مصر الأمن والأمان
مصر النيل بتاع زمان
مصر لما كنا إيد واحده
لما كنا بنحبها بجد
لما عملنا ثورتنا وجرينا ننضف شوارعها
فاكرين يا مصريين
يا كل المصريين
مش هاقول مسيحيين ولا مسلمين
عشان كلنا مصريين
فاكر يا جورج انت وعبدالله
لما كنا فى الميدان بنحرس بعض فى صلاتنا
وجورج خلانى اتوضه
هى دى مصر بتاع المصريين
شوارع وميادين على كلامى شاهدين
الكل كانو هناك بالملايين
وفى كلمه واحده كانت ثورتنا
هقول من تانى بشويش
مصر
سامعينها بتبكى على حال ولادها
لكن هنقلها متخفيش احنا راجعين
إيد واحده من جديد
مسلم ومسيحى مفيش حد هايفرقنا
اصل الحكايه بسيطه
لو حبينا بعض هنكون حلوين
لو اشتغلنا شغلنا هنكون كويسين
يعنى مصر محتاجلنا نشتغل ونحب بعضنا
نقطه ومن اول السطر
مصر بتحبوها ولا لأ
طيب لوبتحبوها مش تستحق تفدوها
يعنى نفديها بشويه من حقوقنا عشان نرضيها
نتصالح ونتنازل ونرجع من تانى نكون إيد واحده
ونحافظ على شعبنا إل منه جيشنا مش دول ولادنا
ومؤسساتنا مش دى بتاعتنا
يعنى خلافنا ممكن يدمرنا
يطلعوا ولادنا ميلقوش غير تفاهاتنا
ويقولوا علينا إن احنا دمرنا بلادنا
هقول تانى بشويش
مصر
محتاجلنا نطبطب عليها ونخدها فى احضانا
بنيلها وارضها وكل اركانها
خلص الكلام وشكرا لخمسه من وقتك