اللي جوة الدار
والهموم والعفاريت
وكشف الأسرار......
ما عفاريت الا بني أدمين
جوة بيتنا قاعدين
ف الوش ينافقونا
ف ضهرنا يطعنونا
لا لخاطرنا عاملين
وبكذا وش مش وشين...
انما
الجن ضعيف غلبان
يموت بأية قرآن
لكن فيه انس زي التعبان
حرباية كلها الوان
تتلون بكذا لون
بس اللون البهتان....
وإن جيت للحق
عندك حق
الدنيا معاندة
وماشين بالزق
من كتر الهم
القلب انشق...
ادعي بس لربك
خلي صوت القرآن ف قلبك
خلي الفرح يزور شطك
وارسم ضحكة ع الرمل بخطك
سيب بصمة حلوة جوة القلوب
لجل حب الناس يحاوطك...
اشكي لربك الهم
مافي غيره يهتم
البني ادم لا يهش ولا ينش
آخره يقولك معلش
يايعمل فيها أصم
من غير خشا ولا دم...
وخلي كلامك من القلب لطيف
مش مجاملة ولا تزيف
يمس كل قلب
يدخله من غير تكليف
الفصحي أو العامية
كلماتك خليها سجية
كما شعر عفيف......
بقلمي :
🌺 عبير محمد علي 🌺