المزاد فتح المزاد
الا أونا الا دوي الا ترى
مين يشتري قلب مخلص
الوفا والحب فيه
في حزنهم أنا ال اواسي
و قلبي مين هيواسيه
قتلوا طيبة قلبي فيا
وكانت هي أجمل ما فيه
كان رضاهم عندي غيه
الكون دا كله ما يساويه
كنت شط أمان لخوفهم
و شطي فين أرسي عليه
قالوا زمان احنا أمانك
قولولي معنى الكلمة إيه
طبع الوفا دا طبع قلبي
وشاف وياما ال يعاديه
وال افتكرته يوم قريب
وادوب قصاد دمعة عنيه
في المزاد هو ال باع
وانا ال ديماً باشتريه
طباع الغدر ما تستخبى
يا دنيا صاحبها بتظهريه
هونت ليه وهان زماني
والحنان بقى قسوة ليه
ما جفاكم قلبي مرة
ليه قلوبكم بتجافيه
فتح بيبان الفرح ليكم
كترتوا ياما ف مآسيه
كنت بلسم للجروح
و جرحي مين هيداويه
المكان دا مش مكاني
زماني ليه رمتني فيه
والزمان دا مش زماني
كارهاه بحاضره وبماضيه
قلبي ياما قاسى منكم
مهما قلوبكم هتناديه
باع ال باعه خلاص وأصبح
شعور إهمالكوا ما يدرايه
زي الحجر اصبح خلاص
بهتت قلوبكوا كتير عليه
مش هيحس تاني بيكم
لو في يوم هتحسوا بيه
في سباق الهجر يسبق
ولا حد فيكم هيجاريه
والمزاد قفل يا دنيا
ملقتش لقلبي ال يساويه
شيماء يوسف