لا تقطفي. .بقلم الشاعر. .صبحي ياسين

بحن لكم وعزة نفسي منعاني

بغمض عيوني
عن ناس مش حباني
بدور عليا ف قلوبهم
مش بلقاني
ناس
كنت فهمهاهم وفهماني
ولما افضفض مع نفسي
ليه يا نفسي
تعباني

مطلوب مني
في زعلي وشي بشوش
لا ازعل و لا أعاني
وبزعلي ما بيحسوش
مطلوب مني
لا اعاتب... وليه اعاتب؟
انا الغلطان انا الجاني
دول ناس...ما بيغلطووش!!!
أنا مش ملاك أنا بشر
ومش طيب ولا قلبي حجر
انا بين البنين
انا بين حاجتين
غضبي نار
وعشقي مطر
بحب الطيبين
وأبعد عن لي غدر
ومنهم قلبي انفطر
صورتهم كات ف القلب
في برواز حواليه سور
بعد اهمالهم
صبحو صورة
ف برواز مكسور
كما صوت ب سكوت
ف الحلق محشور
كان القلب عمار بيهم
صبح خراب مهجوور
خلاص وقت البكا
مابقاش
دلوقت وقت الجفا
وقت الطناش
اللي باعنا نبيعه
و ماحسش بوجعنا
ما يلزمناش
هُنّا وهانت عليكم العِشرة
وإدنا صوابعنا وبصمنا بالعَشرة
حبناكم و ف قلوبنا حطناكم
همَلْتونا فهمَلْناكم
وبقيتو فكرة جوة ذكري
ما هانش عليكم تعتبونا
ولا تسألونا ليه فارقتونا
كأن ما صدقتو
فسبناكم قبل ما تسيبونا
الحزن ف عِرق البُعد
دسّاس
والقرب مع الذُل
جنة ما تنداس
والود من غير قيمة
كما شرب السم ف كاس
كما قتل كل البشر
بلا رحمة ولا احساس
كان مكانكم
جوة القلب بجد
ف حتة ما قربلهاش حد
خليتونا نبكي كتيير
بإهمالكم بنيتو سد
ومكانكم
صبح رماد واتهد
انا وردة مفتحة ودبلت
ومنكم قلبي بيعاني
ورغم موتي
بحنلكم وعزة نفسي منعاني..
بقلمي :
عبير محمد علي