لا تقطفي. .بقلم الشاعر. .صبحي ياسين

طعم الحنين

________________

طعم الحنين

زي الشوارع ف الشتا...

عيون بتضحك...

وقلب مليان بالبكا..؛

ييجي السقيع.

يفرش ملايتة للقا..!

والعتمة بين الطرق متفرقة..

والجرح واعر عنيد..

لا يهمه قوله أه...

ولا مين من همه أشتكى..؟؟

والليل غريب لم الرحال...

مغصوب ..

كان نفسه يستنى الضحى...؛

كل الخيام متقلعة..

والريح بريئ من ذنبها..!

عيون بتستنى الصباح علشان يطبطب ع الألم ..

وبأديه يمسح دمعها..!

كانت مثال للصبر..

العمر يرحل وهي لسه مستنيه

اللي هيدفع مهرها !!

بدمه يحني كفوفها...

وبدمعة يغسل شعرها...!

كان حلمها زي البنات..

حضنت سراب؛

وأتسرسبت من عمرها ..

كل الساعات.؛

لا عارفه تحزن على اللي جاي..

ولا عارفه تبكي على اللي فات..!

خلعت عبايه عمرها

لفت حبيبها لما جاها وقلبه مات ...!!

كل الوجع معرفش يكسرها

كانت عنيده ..

حتى عتابها كان سكات.؛

شداد