طارق السيد
راح فين زمن الحلويات
فين القصري و ست زينات
فين يا خوانا إقعدوا بالعافية
ونجح الواد بلوا الشربات
فين لمتنا ساعة عصرية
والغديوة على الطبلية
وصحن الطرشي إللي من المعمل
وصينية فتة و تسقية
فين تصويرة الطفل الباكي
أبدا مش ممكن أنساكي
فين مدارسنا زمان وجمالها
والتلاميذ بمرايل كاكي
فين السهرة في ليلة العيد
و جزمة باتا و لبس جديد
و صاجات كحك بنار الفرن
و فسحة أول يوم العيد
فين الزير أو حتى القلة
فين الجردل و البستلة
والقهوة إللي على سبرتاية
راحم فين بس يا حول آلله
ألفين رحمة عليك يا زمان
يا أبيض وإسود مش ألوان
خلاص بقى كدا خلصت حكايتنا
بداية ونهاية وكان ياما كان
بقلم طارق السيد