علي فين يا بلد
علي الدموع ولا
الألم
ولا علي ابن إنعدم
يوم فرحته
وكان كفنه بدلته
ولا علي الآهات للأمهات
ال الضنا كان فرحته
فراق أليم في
كل بيت بنحيتي
راح شهيد ورا شهيد
بنزفوه لتربته
صباح جروح
وعروسه بتنوح
حبيب الروح
جات جثته
آه يا بلادي يل ترابك
أصبح دم
وأرضك مدفن لشبابك
آه يابلادي
يل مصابك بأ في ولادك
كل دقيقه
لمه وزفه بشكل جديد
لا فيها طبل ولا مزامير
كل يوم صوات ونحيب
دموع الأم بقت أمطار
تروي الأرض بمية نار
نحيب الأم
بيشعل النار
آه يا ضنايا ياسند الدار
علي مين هتعكز بعد ماشيب
هتدلني إيد الغريب
آه ياضنايا يافرحة عمري
كنت بحلم بك كعريس
تيجي في عرسك
في تبوت منشال علي الكتفين
مين يا ولدي ياخدلو بتارك
مين هيجفف
دمع العين
مين هيضمد جروح القلب
ويقولك
نام مرتاح دمك يابني
أبدا ماضاع
آه يابلادي
من دا صباح
آه يا بلادي
كفايه دم
كفايه علينا شيلة الهم
إرحمو بأه قلب الأم
إهداء/لكل شهداء مصر
بقلمى سناء أبو طبل
