لا تقطفي. .بقلم الشاعر. .صبحي ياسين

( الموعد الجنة )
مشتاق كتير يا امهْ
للحضن و الضمةْ
وحشتني يا حبيبتي
البسمة و اللمةْ
يا هدية من ربنا
يا منبع الرحمةْ
انتِ ضياء دربنا
و في السماء نجمةْ
انتِ القمر في الليل
و البدر في الضلمةْ
عشتي الحياة أمي 
عادلة و مش ظالمةْ
عشتي الحياة أمي
يا أميرة و مسالمةْ
كان الهدوء طبعك
يا كريمة و مسامحةْ
كان الورع شيمتك
يا راكعة يا ساجدةْ
وحشتني دعواتك
لما تكوني صايمةْ
وقت الفطور يا امهْ
بتمتمي و خاضعةْ
وحشتني همساتك
و انتِ كمان قايمةْ
ساعة السحر تدعي
متذللة و خاشعةْ
محتاج إيدك تطبطب
علي كتفي في الزحمةْ
في شدتي يا امهْ
و تقولي قم صلي
يا حبيبي دي الجمعةْ
و ادعي الكريم ربنا
و في العيون دمعةْ
محتاج نظرة عيونك
تشفي الآلام يا امهْ
محتاج دعوة جميلةْ
يا طيبة و حانيةْ
عطشان أمي لحنانك
يا شريفة السمعةْ
طيفك ما فارقني
يا حبيبتي مشتاقلك
يا تجيني يا انا اجيلك
تعبان أنا في بُعدك
الصبر يا ربي
صعبة الحياة بَعدك
باترجى انا ربك
يغفر جميع ذنبك
جزاء معاناتك
و على الآلام صبرك
و يسكنك يا امةْ
مع النبي الجنةْ 
ابنك المحب لطيفك
محـــمد العــــراقي
15/ 3 / 2016 م