لا تقطفي. .بقلم الشاعر. .صبحي ياسين

البكا
لحظة تجمع للمآسي
في جسم عليل
بنات ف عز البرد
بتشكي همومها
للمناديل
سراير شوك بتحوي
عيال بتبكي بشده
من الجوع
شباب من بره مبسوطه
ومن جوه بيصرخ نبض احساسها
بصوت مسموع
البكا
لحظة تجمع للمآسي
ف جسم عليل
مراكب واقفه ف المرسي
تنادي النيل
وواد اشتاق اوي ل سته
فجاب اكليل
وراح زارها
وست عجوزه بتسبح
بإسم الله
عيالها مشيوا وسابوها
تمد اديها للأغراب
وبنت اصول رماها الحظ
ونصيبها ف عش غراب
البكا
اول حدود الممكن
اخر آمال المستحيل
البكا
لحظة تجمع للمآسي
ف جسم عليل
#عمرواللمعي