رد على قصيده الخال الشعراى
اغضب
========== عونى هشام
اغضب اغضب اغضب
اغضب انا صبرى طويل
اغضب هتشوف الويل
وف غضبى ما تنام الليل
------------
اغضب على كل جبان
اغضب قالها الجدعان
اغضب خليها بركان
على كل خاين وعميل
------------
اغضب على البنيان
اغضب للحق يبان
اغضب دوس الطغيان
مايهمك ارهابى دخيل
--------------
اغضب سن القوانين
اغضب وازرع فى الطين
اغضب ماتعيش حزين
بكفايه لعب وتمثيل
----------------
اغضب وعايزها بجد
انا غضبى سيف حامى الحد
انا ليكى يامصر اكبر سد
ما انا مصرى وبطبعى اصيل
---------------
اغضب بعزيمه وهمه
بايدينا هانزيح الغمه
وبايمانا راح تحلا اللمه
ونغنى احلا المواويل
----------------
اغضب جيش مصر امان
فى قلوبنا له اغلى مكان
والشرطه حارسه البنيان
فى غضبنا هنكون كالسيل
اغضب اغضب
====•••
عونى هشام
