ألوان
.......
ياللى متعطر بالورد
عطرك فريد يتغنَى
وصفوك ليا من أهل الجنة
ياللى كلامك كله معنى
إمتى تقرب والحنين يجمعنا
فى أرض العشق
الزهور ألوان
وكل زهرة عطرها بيْبان
واللى ماشى بينهم
ياناس ولهان
ماتعرف له ناس
ولاكمان أوطان
وأنا جيت لك ياقلبى
عايزة أعرفك
عايزة أقرب منك
عايزة أفهمك
عايزة ياقلبى أبق مَقصدك
لما تغنى والناس تسمعك
عايزة أعيش جوة حلمك
والحلم عندى هو ضحكتك
والله يادنيا وكِتروا الحبايب
كل عاشق منهم قلبه دايب
منهم اللى بعيد ومنهم كمان قرايب
وأنا يادنيا وحدى بتمنى اللى غايب
يرجع ويدينى من الحب نايب
وأفرح معاه فرحة الحبايب
............................................
بقلم ... نهى صفوت .....