قصيده بعنوان..... أعجب شعوب الارض
ردا على رائعه...... شاعرنا الكبير عبد الرحمن الأبنودى
أعجب شعوب الارض
كانوا من سنين أسياد
سمعوا كلام شياطين
صاروا كما الأوغاد
.................
الدم سال بينا
قتل الحلال فينا
ساكتين ع اللى خان
ونلوم فى بعضينا
...............
أعجب شعوب عايشين
خلطوا الدقيق ب الطين
تاه الطريق منهم
عاشوا ل التاريخ ناسين
.................
أعجب شعوب ولاده
والرزق كان بزياده
هجروا البيان والدين
وإتزلوا ك العاده
....................
دم العروبه يا ناس
ع الارض بقى ينداس
مات الحنان بينا
والحب والإحساس
...................
يرحم صلاح الدين
والعلما والعارفين
كانوا ناس ونعم الناس
كانوا للبشر فاهمين
................
ضاع التاريخ ياخال
وساء مابينا الحال
نبع المرؤه هبط
والهم بقى موال
..................
أعدائنا زى السوس
وسط القصب مدسوس
عمال ينخور فينا
وفوق دمغنا يدوس
.................
يلزمنا فكر رازين
يمحى البياض م الطين
يعلى ف الفاهمين
ويفوق التايهين
.....................
ساعتها بس ياخال
تتبدل الأحوال
ب الفكر ويا المال
نقدر نكون عايشين
............ ....... .
كلمات الشاعر محمد ثروت عبد الحفيظ