قصيدة بعنوان......... احضن شعاع الأمل
بالحب علم وربى
وإغرس ف القلب وردة
تطرح جمال الطباع
وتغزل خيوط الموده
......................
ع الصعب خطى وعدى
ما إحناش فى زمن الملايكه
ده الهم عندك وعندى
والحق عايز مساندة
...................
ازرع حياتك طموح
كمل طريقك وسايسوه
ياما كان غيرك يثور
وعاش ع الهم دايسه
....................
بكره اللى باعك هيندم
لما يدوق من عذابك
دى الدنيا قابل وفارق
والرك تحسن ختامك
.....................
إخطف م الدنيا فرحه
صالح نفسك وشورها
بس إوعى تكسب برحها
وتسيبها عايشه ف غرورها
...................
يااللى شيطانك غواك
جمل فى غدرك وغشك
بكره ياصحبى تدوق
لما الخلايق تهشك
..................
إدعى ربك يصونك
يهدى سبيلك وسرك
جدد وحسن سلوكك
وإوعى طريقك يضلك
....................
تاهت ما بينا المبادئ
شربنامن مر كاسنا
عشنا فى عتمه وغرور
لما ضميرنا نكاسنا
.....................
إحضن شعاع الأمل
إخرج وعيش ف النور
وإن قبلك يوم الفشل
إوعاك تعيش مكسور
....................
ومهما كان العمل
هون وعيش مسرور
ربك كريم وقادر
واللى يناديه مجبور
.........................
كلمات الشاعر محمد ثروت عبد الحفيظ