لا تقطفي. .بقلم الشاعر. .صبحي ياسين

قفص العصافير مليان وطاويط

والغيط مردوم . ..سلق وشُبيط

والحال مقلوب.....غالب مغلوب

والناس بتعانى... من التخبيط

النور لو قاد ...... تغلى الفواتير

والخير لو زاد....يخلص ويطير 

والطير بيغير......من قرد فقير

علشان م الجوع غاوى التنطيط
 
لا الحال معدول...ولا همه الناس

والناس بتقول....ضاع الاحساس

ولكن الفاس......وقعت ف الراس

واللى هينداس.....غلبان وعبيط

طب نعمل ايه ....يا سعادة البيه

والجيب مش لاقىى النص جنيه

وان حن عليه.............الربع جنيه

ما يجبش رغيف أو حتى سميط

الليل بيدوس .......على اى نهار

والدار ف ايدين........ شلة أشرار

عاملين زوار............ بيدقوا الزار

وحجاب الخوف مليان شخابيط

يا زعيم مولود...... وسط الاحرار

إمسك ف إيديك كده سيف بتار

واقطع أوتار .......الخوف والعار

واحرق أوكار ......كل الوطاويط

***************
رضا ابو الغيط